Новости
|
Справаздача з Greenfest 2015 - Мінск
Ужо ад пачатку фестываля стала зразумела, людзі прыйшлі не проста на канцэрт свайго любімага гурта, а менавіта "патусіць". Дзе яшчэ сустрэнеш столькі аднадумцаў, якаснай музыкі, а гэтаксама тэматычных забаваў? Што яшчэ трэба звычайнаму беларускаму прыхільніку рок музыкі? Хочаш - адрывайся ў слэме, падпявай улюблёным гуртам, або проста назірай за падзеямі ды камунікуй з сябрамі. А 15:00 адкрыў фестываль менскі рок-гурт Мутнаевока, які папярэдне перамог у інтэрнэт галасаванні й быў абраны для выступу сярод шматлікіх іншых маладых рок-банд. Нягледзячы на свой ранні выступ, гурт быў горача падтрыманы публікай. Скончылі выступ хлопцы з Мутнагавока такімі сваімі гітамі як - "Сэрца стук" і "Мутныя вочы". Пасля выступу на прэс-канферэнцыі музыкі адзначылі, што ганарацца тым што менавіта ім выпала адкрываць фестываль і былі прыемна здзіўлены цёпламу прыёму. Наступнымі на фэсце выступалі гарадзенцы "Main-de-Gloire". Гралі добра, змешваючы metalcore з электроннымі гукамі сінтэзатараў. Потым на сцэну выходзілі "Elephants from neptune" (Эстонія), "Colors of Bubbles" (Літва). Сустрэлі гасцёў бліжняга замежжа гэтаксама цёпла. Фронтмэны актыўна гутарылі з натоўпам і знаёмілі тутэйшых рокераў са сваёй музыкай. Тым часам, некаторыя наведвальнікі фэсту бавілі свой час у забаўляльных зонах. Адстаяўшы 2-3 гадзінную чаргу - можна было атрымаць пазытыўную рознакаляровую прычоску і паспець на Papa Roach у аднаўлённым выглядзе. Можна было пафатаграфавацца з паўголай дзіўчынай у пене. Паштурхацца апрануўшы на сябе вялікі надзіманы шар. Набыць тэматычныя майкі ды банданы. Або пасядзець на траве з кубкам піва ды чабурэкам у руцэ. І вось тут загучала "К нам приехал Трубецкой", што адзначыла з'яўленне першых хэдлайнераў гэтага вечару. Пакідаўшы ўсе свае не-музычныя справы - моладзь імкліва накіравалася да сцэны. І, насуперак мноствам скандалаў, што ахінулі гурт апошнім часам - скакала ды падпявала "Трубяцкім". На здзіўленне, людзі ведалі й новыя песні, запісаныя без удзелу Міхалка. Між тым, гучалі й песні сівых часов, якія так не любіў былы фронт-мэн гурта. Хоць Ляпісы... прабачце... "Трубяцкія" і ажывілі натоўп - было далёк да такога слэму і ўгару, што адбываўся падчас выступу "Дай дарогу". Берасцейцы выдалі мноства драйву і ў шэраговы раз здзівілі людзей, якія чулі тых у першыню. Без асаблівай медыйнай падтрымцы гурт скарае фэст за фэстам, а гэтак жа сэрца сваіх прыхільнікаў, якія, дарэчы, разгарнулі вялізарны сцяг. Якім чынам трое берасцейцаў забяспечваюць такі шалёны драйв - невядома. Тут ёсць і моцны вакал, і песні, што прысвечаны, літаральна, кожнаму. І тым, хто атрымаў пералом, тым, каму выходзіць на працу ў суботу, тым хто гуляе ў World of Tanks, тым каму капаць, тым у каго 20см кулямёт :) Наступнымі на сцэну выйшлі расейцы Jack Action. Выступ, нажаль, запомніўся толькі сідзячым танцпляцам, а таксама дарэмнымі спробамі аджывіць натоўп, які проста скарыстаўся магчымасцю адпачнуць перад сапраўднымі хэдлайнерамі. Далей выйшаў Кіпелаў. Зграў са сваім гуртом некалькі новых песен ды славутыя кампазыцыі "Арыі". "Потерянный рай", "Беспечный ангел", "Я свободен" - ну хто не падпяе бессмяротным гітам. Падчас выступу з'явіліся й першыя спецэфекты ў выглядзе полымя. І вось прыйшоў час да выступу прадстаўнікоў новага пакалення расейскіх рокераў - гурт Lumen. Шчыра кажучы, не ведаючы песен гурта - зразумець пра што спяваецца, і ўсю глыбіню тэкстаў і актуальнасць для нашай рычаіснасці на канцэрце не атрымаецца. Добра, што людзей, не знаёмых з творчасцю гурта ёсць не так многа. Здаецца, што ўсё будзе добра з любым пакаленнем, пакуль ёсць такія гурты, што натхняюць на думкі, пагарджаюць несправядлівасці й маюць светлы малады розум. З'яўляюцца думкі - а ці разабралі словы амапаўцы й міліцыянты якія ахоўвалі канцэрт - "я так люблю свою страну... и ненавижу государство... государство... государство". Тут выйходзяць Papa Roach. Апошнія дужасці, што засталіся ў наведвальнікаў фэсту былі кінутыя на пляскі пад легендарны амерыканскі гурт. Нельга не адзначыць, што пры сёй той гламурнасці гурт не губляе таленту й працягвае ствараць гіт за гітом. І вось ужо "Between angels and insects" гучыць не перад-апошняй, а другой песняй. Перад канцэртам гурт шчодра параздаваў аўтографы беларускаму фан-клубу. А гэтак сама адказаў на ўсе пытанні журналістаў, у тым ліку і падрабязнасці пра запіс песні Gravity з жаночым вакалам Марыі Брынк. Пра тое, што паўплывалі на іх творчасць Deftones, Metallica, а таксама хіп хоп калектывы тых часоў. Спадабалася Papa Roach і атмасфера нашага гораду, кажуць, людзі тут павольна адпачываюць побач з вадаёмамі й радуюцца жыццю. На працягу ўсяго канцэрту Кобі Дзік усхваляў аказаны цёплы прыём, падзякваў за добры канчатак туру й паабяцаў абавязкова вярнуцца. Скончылі яны свой сэт, то бок і першы беларускі Greenfest трэкамі Last Resort і Want To Be Loved.
Добавил Aleks 7.07.2015 Комментировать.
Error in SQL | ||||||
